கூம்பொடு மீப்பாய் களைதல்?

தமிழ் இலக்கியங்களில் சங்க காலத்திலும் சரி சோழர் காலத்திலும் சரி கலம் செலுத்தும் பாடலகளை குறிக்கையில் கூம்பொடு மீப்பாய் களைதல் என்றே கூறுகின்றன.

மீப்பாய் என்பது பாய்மரக் கப்பலின் பாய் மரத்துணியை மட்டும் குறிக்கும். அதனால் அதைக் களைவதோ விரிப்பதோ இப்போதும் நடைமுறையில் இருக்கும் வழக்காகவே தெரிகிறது. ஆனால் கூம்பொடு (பாய் கட்டப்பட்டிருக்கும் மரம் கூம்பு போல் உள்ளதால் கூம்பொடு எனக் கூறப்படுகிறது) மீப்பாய் களைதல் என்றால் கூம்பையும் ஏற்றி இறக்க தமிழர் கலங்களில் வசதி இருந்ததா? என்ற கேள்வி என்னில் எழுந்தது.


யாங்ஙனம் பாடுவர் புலவர் கூம்பொடு
மீப்பாய் களையாது மிசைப்பரந் தோண்டாது
புகாஅர்ப் புகுந்த பெருங்கலந் தகாஅர் - புறநானூறு


போதம் கொள் நெடுந் தனிப் பொரு இல் கூம்பொடு,
மாதங்கம் வரு கலம் மறுகி, கால் பொர,
ஓதம் கொள் கடலினின்று உலைவ போன்றவே. - கம்பர் இராமாயணம்

மேலுள்ள இரண்டு பாடல்களுமே மடக்கும் கூம்புகளை தமிழர் கலங்கள் பெற்றிருந்தன எனக் காட்டுகின்றன. கம்பராமாயணம் எழுதிய போது கம்பர் தானறிந்தவற்றை சேர்த்தே எழுதியிருக்கிறார்.

20ஆம் நூற்றாண்டு கப்பல்கள் கூம்பை மடக்கும் நுட்பத்தை பயன்படுத்தினரா என அறிய ஆவல்.

ஏலே! தெக்கால திரும்புனா இரண்டு கல் தொலைவுலே.

ஒரு முறை நான் என் சகாக்களோடு சில இடங்கள் சுற்றி பார்ப்பதற்காக சிறு வயதில் சென்றதுண்டு. அப்போது எங்கள் குழுவில் கிராமத்துக்காரர்கள் என்றாலே வெறுத்து ஒதுக்கும் ஒருவனும் வந்திருந்தான். அவனுக்கு கிராமத்துக்காரர்கள் எதைச் சொன்னாலும் குற்றம் கண்டுபிடிப்பதும் ஏளனம் செய்வதும் பழக்கம். இவனுக்கு என்றைக்காவது '''நல்ல பாடம்''' கற்றுக்கொடுக்க வேண்டும் என்று எண்ணியிருந்தேன். இதற்கு ஒரு நாளும் அன்று கிடைத்தது. அந்த அனுபவத்தை விளக்கும் முன்னர் தமிழர் திசைக்குறி சொல்லையும் இடக்குறிச் சொல்லையும் எப்படி பயன்படுத்தினர் என முதலில் அறிந்து கொள்ளலாம்.

நம்மூர் நகரத்தார் எனக்கூறிக் கொள்(ல்)பவர்கள் கூறுவது போல் ஒரு இடத்துக்கு வழிகாட்ட இடது வலது முறையை கிராமத்தில் பயன்படுத்துவதில்லை. மாறாக திசையையே இடச்சுட்டாக கூறுவர். நகரத்தார் முறை பல இடங்களில் குழப்பங்களையே தரும். ஆனால் திசை என்றும் மாறாதது என்பதால் கிராமத்தாரின் இடச்சுட்டு முறையே நிலைத் தெளிவை கொண்டது. இதை கடலோரத்தில் காணப்படும் பரதவர் கலம் செலுத்தும் தொழினுட்பத்தில் எளிதாகவே பயன்படுத்திக் கொண்டனர். ஆனால் சற்று வேறுபடும். கடற்பரதவர் காண்பதும் வாழ்வதும் கடல் என்பதால் வர்களுக்கு ஏற்ப சில சுட்டுகலை உருவாக்கிக் கொண்டனர். ஓதம் என்பது ஆங்கிலத்தில் எனப்படும். ஆனால் இதற்கு இணையான சொல்லான ஓதம் என்னும் சொல்லை தமிழர் உயர் ஓதம் (High Tide) தாழ் ஓதம் (Low Tide) என அழைக்காமல் கடல் ஓதம் (Tide towards Sea), கழி ஓதம் (Tide towards Shore) எனக் கொண்டனர்.

 ஒரு இடத்தில் கடல் ஓதம் உயரும் போது மற்ற இடத்தில் தாழும். பல்வேறு துறைமுகங்களில் கலம் செலுத்த வல்ல தமிழர் ஒரு குறிப்பிட்ட நேரக் கணக்கை ஒதுக்கி உயர் தாழ் ஓதம் எனக் குறிப்பிடால் குழப்பங்கள் நேரலாம். அதே மணிக்கணக்கை மற்ற இடங்களில் ஓதம் அறிய பயன்படுத்த இயலாது. அதனாலேயே கடல் நோக்கி ஓதம் வெளியேரும் கலத்தை துறைமுகத்தில் இருந்து வெளிச் செலுத்தவும் கழியை நோக்கி கடல் நகரும் போது கலத்தை உட்செலுத்த வேண்டும் என எளிதாக கொள்ளலாம்.

ஒருவரிடம் உயர் தாழ் ஓதம் கொண்டு கணக்கிடு என்று கூறுவதை விட கழி கடல் ஓதம் கொண்டு கணக்கிடு என்றால் அவனே யூகித்து கலத்தை ஓதத்தின் உதவியோடு செலுத்துவதை எளிதாக அறிந்து கொள்ள இயலும்.

ஓதம் அறிதல் என்பது சங்ககாலம் தொட்டே தமிழர் பயன்படுத்திய கலம் ஓட்டும் தொழில் நுட்பத்தில் ஒன்றாகும். ஓதத்தை (Tide) இரண்டு வகையாக்கி கழி ஓதம்(High Tide) கடல் ஓதம்(Low Tide) என இரண்டாகப் பிரித்தனர் தமிழர். கழி ஓதத்தின் போது கடல் நீரானது கரை நோக்கி நகரும். அப்போது நீர் கலத்தை கரை கொள்வதை கொல் ஓதம் என்றனர். ஓதம் குறியும் போது க்டல் நோக்கி நீர் நகரும் என்பதால் அப்போதே கரையில் உள்ள கலங்களில் ஏறி கடலுக்குள் செல்வர். ஓதம் அதிகமாக இருக்கும் போது தலைவியை ஏன் பிரிந்து செல்கிறாய் தலைவா என்று தலைவியின் தோழி தலைவனை வினவுவது போன்று அகப்பாட்டு ஒன்றும் உண்டு.^[1] மேற்கொடுத்த சங்கப்பாடல்களின் மூலம் ஓதம் என்ற இயற்கை சக்தியை கலம் ஓட்ட தமிழர் பயன்படுத்தினர் என அறியலாம்.

கழி ஓதம்
கழிமுகத்தை நோக்கி வருவதால் இது கழி ஒதம்.^[2] இக்கழி ஓதத்தின் போது நீரின் ஆழம் அதிகம் இருக்கும். மேலும் கடல் நீர் கரையை நோக்கி நகர்ந்து கொண்டிருக்கும். இதனால் கடலில் மிதக்கும் கலத்தை துறைமுகத்துக்குள் பாறைகளில் மோதாமல் எளிதாக கொண்டு வர முடியும். மேலும் கடல் நீரும் கலத்தை கரை நோக்கி நக்ர்த்துவதால் திமில் போடும் திமிலர்களின் வேலைப்பளுவும் குறையும்.

கடல் ஓதம்

ஊர்ந்த வழியே மீண்டும் ஊர்ந்தது கடல் ஓதம் என்கிறது சிலப்பதிகாரம். கழி ஓதம் ஊர்ந்து ஊரின் உள்ளே வந்த வழியில் மீண்டும் கடலுக்குள் ஓதம் செல்வதை ஊர்ந்த வழி சென்றது கடல் ஓதம் என்கிறது சிலம்பு.^[3] இக்கடல் ஓதத்தின் போது கடல் நீர் கரையிலிருந்து கடல் நோக்கி கலத்தை செலுத்தும். இதனால் கடல் ஓததின் போதே மீனவரும் கடலோடிகளும் கலத்தில் பயணத்தை தொடங்குவர்.

வெளியிணைப்புகள்

• http://www.thinnai.com/index.php?module=displaystory&story_id=40507222&format=print&edition_id=20050722

மேற்கோள்களும் குறிப்புகளும்

1. ↑ கழியே, சிறு குரல் நெய்தலொடு காவி கூம்ப எறி திரை ஓதம் தரல் ஆனாதே துறையே, மருங்கின் போகிய மாக் கவை மருப்பின் - அகம் 350
2. ↑ பெருங் கடல் முழங்க, கானல் மலர, இருங் கழி ஓதம் இல் இறந்து மலிர, - நற்றிணை - 117
3. ↑ ஊர்ந்த வழி சிதைய ஊர்ந்தாய்; மற்று எம்மொடு தீர்ந்தாய் போல் தீர்ந்திலையால்; வாழி, கடல் ஓதம்! - சிலப்பதிகாரம்: புகார்க் காண்டம்: கானல் வரி

சரி இனி நம் சகாக்களின் கதையை அறியலாம். ஒரு முறை நான் ஒரு கிராமத்தாரிடம் வழி கேட்ட போது  "ஏலே! தெக்கால திரும்புனா இரண்டு கல் தொலைவுலே." என்று அவர் பதிலளித்ததும் இவன் பல்லிழித்தான். "இதென்னடா நாகரிகமா சொல்லாம இந்த ஆள் தெக்கால கிழக்காலன்னுட்டு. அறிவு கெட்டவனுங்க." என்று கூற எனக்கு ஏகக்கடுப்பு. இவனை ஏன்டானு கூட்டிட்டு வந்தோம்னு. இவனை வெகுதூரத்தில் அதிகம் உட்கிராமத்துக்குள் நான் அழைத்து சென்றுவிட்டேன் அதுவும் சந்து பொந்துகளுக்குள் எல்லாம் நுழைந்து நல்ல வெட்டவெளிக்கு கூட்டி போயாயிற்று.

வேனும் என்றே கண்ணாம்பூச்சி விளையாட அவனை அழைத்தேன். பாதி விளையாடிக் கொண்டிருக்கும் போது தலைவரின் முறை வந்தது. அவன் கண்ணைக் கட்டியவுடன் அவனிடம் நாங்கள் இடப்பக்கமாக செல்கிறோம் என்று கூறிவிட்டு அவனை நல்ல சுற்றி விட்டு விட்டு நாங்களெல்லாம் மரத்துக்குள் ஓடி மறைந்தாயிற்று. அவனும் எங்களை தேடு தேடு எனத் தேடி வட்டத்துக்குள் நாங்கள் எங்கும் இல்லை என்றவுடன் அவன் கிலியோடு கண்கட்டை அவிழ்த்து பேந்த பேந்த விழித்தான். இடமோ பலமரங்கள் சூழ்ந்திருக்கும் வெட்டவெளி அவனுக்கு நாங்கள் கண்ணை கட்டுமுன் கூறிய இடப்பக்கம் எது என்று இப்போது ஏகக்குழப்பம். தலைவருக்கு வெட்டவெளியில் இருந்து தப்பி வரவும் தெரியவில்லை.

சரி போதும் பையன் அழுதுவிட போகிறான் என நினைத்து "ஏலே! தெக்கால திரும்புனா இரண்டு கல் கல் தொலைவுலே." என்று நான் கூவ அவன் ஏகக்கடுப்பாயிப் போயி விழித்தானே ஒரு விழி. வாழ்நாள் முழுதும் அதை நான் மறக்கவே மாட்டேன்.

இப்போ தெரியுதாலே. "தெக்கால திரும்புனா பத்து கல் தொலைவுலே." அப்படின்னு சொல்றது அறிவாளித்தனமா அல்லது இடது வலது சொல்றது நாகரிகமா என்று. யாருகிட்ட!!!

நாங்கெல்லாம்

ஆமைகளின் வழித்தடம் கண்டு கடலோடியவன் ஆதித் தமிழன்

வம்சம்டா... வம்சம்டா... வம்சம்டா...

இனி ஒரிசா பாலு போன்றவர்கள் உயர் தாழ் ஓதங்களின் இடையிலுள்ள அளவு எங்கெல்லாம் குறைவோ அங்கெல்லாம் தமிழர் தொடர்பு இருக்கும் என்ற ரீதியிலும் தேடலாம். தேடல் சிறிது எளிதாக வாய்ப்புண்டு.

மருங்கூருக்கும் புகாருக்கும் பெருந்துறை எங்கே?

குறிப்பு:இதைப் படிக்க எண்ணுபவர்கள் முதலில் நான் விக்கியில் தொகுத்த பெருந்துறைமுகம் , முன்துறைமுகம் என்ற இரு கட்டுரையையும் பார்த்து விடுங்கள். பின்பு இதைப் படித்த பின் வாதத்துக்கு வரலாம்.

http://ta.wikipedia.org/s/2r6e - பெருந்துறைமுகம்
http://ta.wikipedia.org/s/2r6c -  முன்துறைமுகம்

மேற்குறித்த இரண்டு கட்டுரையிலும் உள்ள தொகுப்புக்களை நோக்கின் முன்துறை என்ற சொல் கூறப்பட்ட அளவுக்கு பெருந்துறை கூறப்படவில்லை. இதற்கு ஒரு காரணமும் உண்டு. அதை கட்டுரையின் இறுதியில் நோக்கலாம். அதற்குமுன் இரு பூம்பட்டினங்கள் என்ன என என்று கண்டு விடுவோம்.

1. ஒன்று  அனைவரும் அறிந்த காவிரிப்பூம்பட்டினம்.
2.  இன்னொன்று சில தமிழார்வலர்களால்  பெயர் சூட்டப்பட்ட வையைப்பூம்பட்டினம். அதாவது மருங்கூர்.

இந்த 2 பட்டினங்களுக்கும் முன்துறை கூறப்பட்டதே அன்றி பெருந்துறை கூறப்படவில்லை. ஆய்ந்து நோக்கின் இப்பெருந்துறைகள் காலப்போக்கில் வேறு ஒரு பெயரில் அழைக்கப்பட்டு புகழடைந்து விட்டதே காரணமாகும் அப்படி நோக்கினால் காவிரிப்பூம்பட்டினத்துக்கும் வையைப்பூம்பட்டினத்துக்கும் முறையே பின்வரும் பெருந்துறைகள் இருந்தன  எனக்கொள்ள முடியும்.

1. மருவூர்ப்பாக்கமும் பட்டினப்பாக்கமும் புகார் முந்துறைக்கு பெருந்துறைகளாக அமைந்தன.

2. அதைப்போல் வையைப்பூம்பட்டினத்துக்கு ஊணூர் பெருந்துறையாக அமைந்தது.

சங்க இலக்கியச்சான்று 
வாய்மொழித் தழும்பன் ஊணூர் அன்ன,
குவளை உண்கண் இவளைத், தாயே
ஈனா ளாயினள் ஆயின், ஆனாது
நிழல்தொறும் நெடுந்தேர் நிற்ப, வயின்தொறும்,
செந்நுதல் யானை பிணிப்ப,
வருந்தல மன் - எம் பெருந்துறை மரனே.

மேலுள்ள புறத்தின் 349ஆவது பாடல் ஊணூர் தான் வையைப்பூம்பட்டினத்துக்கு பெருந்துறையாக அமைந்தது என்பதை தெளிவுறக்காட்டுகிறது.

ஆய்வறிஞர்கள் ஆய்வுப் பணியில் ஈடுபடுங்கால் இதை நினைவில் கொண்டு கடற்கரையின் முந்துறையை மட்டும் ஆயாமல் கழிமுகத்தின் உட்பகுதியான பெருந்துறையையும் ஆய்வார்கள் எனில் எளிதில் அதிகளவு தொல்லியற்சான்றுகளை வெளிக்கொணர முடியும் என்பது என் முடிவு.

ஏனெனில் பெருந்துறையிலேயே அதிகளவு ஒப்பநத்தங்களும் ஏற்பட்டிருக்க வாய்ப்புண்டு.

ரோமாபுரிக்கு பாண்டியன் தூது

நாம் அனைவரும் பாண்டிய மன்னன் ஒருவன் யவன மன்னனான அகசுடசு சீசருக்கு தூதனுப்பியதை படித்திருப்போம். அந்த டிரேபோ கூறுவது யாது எனப் பார்க்கலாம்.

"Very few of the merchants who now sail from Egypt by the Nile and the Arabian Gulf to India have proceeded as far as the Ganges; and, being ignorant persons, were not qualified to give an account of places they have visited. From one place in India, and from one king, namely, Pandion, (or, according to others, Porus), presents and embassies were sent to Augustus Caesar. "

Strabo in His Book of "Geography" Volume 15, Chapter 1, Section 4

"To these accounts may be added that of Nicolaus Damascenus. This writer states that at Antioch, near Daphne, he met with ambassadors from the Indians, who were sent to Augustus Cæsar. It appeared from the letter that several persons were mentioned in it, but three only survived, whom he says he saw. The rest had died chiefly in consequence of the length of the journey. The letter was written in Greek upon a skin; the import of it was, that Porus was the writer, that although he was sovereign of six hundred kings, yet that he highly esteemed the friendship of Cæsar; that he was willing to allow him a passage through his country, in whatever part he pleased, and to assist him in any undertaking that was just. "

Strabo in His Book of "Geography" Volume 15, Chapter 1, Section 73

மேலும் இந்த நிகோலசு டமாசுகசு பாண்டியனை சந்தித்தது கி.பி. 13ஆம் ஆண்டாகும்.

அது என்னப்பா சிங்களப் பிராமி.?!

தமிழர்கள் தமிழை எழுதப் பயன்படுத்திய வடிவங்களில் பிராமியும் ஒன்று. அதனால் அது தமிழ் பிராமி.

அசோகன் தன் கல்வெட்டில் பிராமி வரிவடிவத்தை வைத்து தன் ஆணையை எழுதினான். அதனால் அது அசோகப் பிராமி.

வட இந்தியாவில் காணப்படுபவை எல்லாம் சேர்த்து வட பிராமி.

தென் இந்தியாவில் காணப்படுபவை எல்லாம் சேர்த்து தென் பிராமி.

இதெல்லாம் சரி. அது என்னப்பா சிங்களப் பிராமி. சிங்களத்தை பிராமி கொண்டு எழுதினாரா? இல்லை சிங்களவர் முதலில் இலங்கையில் பிராமி கல்வெட்டுகளை பொறித்தனரா?

சிங்கள அரசர்கள் என்று கருதப்படுபவர்களை கூட பிராகிருத மொழியில் தான் பிராமி கல்வெட்டுகள் குறிக்கின்றன. இது போதாது என்று "ஆனைக்கோட்டை முத்திரை" வேறு தமிழிலேயே பொறிக்கப்பட்டுளது.  மேலும் பண்டு காபயன் காலத்தில் உருகுணையை ஆண்ட பாண்டியர்கள் தான் கல்வெட்டுகளில் கூறப்படும் முதல் இலங்கையின் மன்னர்கள் ஆவார்கள். (எனக்குத் தெரிந்து.)

1. ஈழத்தின் முற்காலக் கல்வெட்டின் மொழியும் சிஙகளம் இல்லை.
2. ஈழத்தின் முற்கால முத்திரையின் மொழியும் சிங்களம் இல்லை.
3. ஈழத்தின் முற்காலக் கல்வெட்டுகளை முதலில்  பொறித்த அரசர்களும் சிங்களவர் இல்லை.
4. சிங்கள அரசர்களை குறிப்பிடும் முற்காலக் கல்வெட்டுகளும் பிராகிருத மொழியே அன்றி சிங்களம் இல்லை.


பின்னர் என்ன .....  சிங்களப் பிராமி?

இதை இப்படியே விட்டால் சிங்களப்பிராமியில் பிராமி உள்ளது. அதனால் இந்தியா முழுவதும் மொழி ஏற்பட சிங்களமே காரணம். அதனால் சிங்களவர் இந்தியர்களுக்கு எல்லாம் தாய். அதனால் இந்தியா சிங்களவரை ஆதரித்தே தீர வேண்டும் என்று சிங்கள பேரினவாதிகளும் தூதுவர்களும் இந்திய அரசுக்கு கடிதம் எழுதி விடப்போகிறார்கள் ஜாக்கிரதை.

2 சங்ககால நூல்கள், 36 சங்கப்பாடல்கள், 21 புலவர்கள் இவை அனைத்தும் கூறும் ஒரே வேந்தன்

இவனை

அள்ளூர் நன்முல்லையார் - அகம் 46 ஆலங்குடி வங்கனார் - அகம் 106 ஆலம்பேரி சாத்தனார் - அகம் 47, 145 இடைக்கழிநாட்டு நல்லூர் நத்தத்தனார் - சிறு 62,65 இடைக்குன்றூர் கிழார் - புறம் 76, 79 உறையூர் முதுகூத்தனார் - அகம் 137 எருக்காட்டூர்த் தாயங்கண்ணனார் - அகம் 149 கல்லாடனார் - புறம் 23, 25, 371, அகம் 209 குடபுலவியனார் - புறம் 18, 19 குறுங்கோழியூர் கிழார் - புறம் 17

பரணர் - அகம் 116, 162, குறு 393 பொதும்பில் கிழார் மகனார் வெண்கண்ணியார் - நற் 387 மதுரை ஈழத்துப் பூதன்தேவனார் - அகம் 231 மதுரைக் கணக்காயனார் - அகம் 338 மதுரைக் கணக்காயனார் மகனார் நக்கீரனார் - அகம் 36, 57, 253, நற் 340, 358, நெடுநல்வாடை மதுரைத் தத்தங்கண்ணனார் - அகம் 335 மதுரை பேராலவாயார் - அகம் 296 மதுரை மருதன் இளநாகனார் - நற் 39 மாங்குடி மருதனார் - புறம் 24, 26, 372, மதுரைக் காஞ்சி விற்றூற்று வண்ணக்கன் தத்தனார் - நற் 298

ஆகிய புலவர்கள் பாடியுள்ளனர்.

இதில் மதுரைக்காஞ்சியும் நெடுநல்வாடையும் இவனின் மீதே இயற்றப்பட்டது. 

மேலே காணப்படும் 20 புலவர்கள் பாடிய 35 பாடல்கள் தவிர்த்து தானே தன் மீது ஒரு வஞ்சினப் பாடலை பாடிக் கொண்டு 21ஆம் புலவனானான். 

இவன் வென்ற இடங்கள் பலவற்றில் காணக்கிடைக்கும் ஒரு ஒற்றுமை உண்டு. அந்த ஒற்றுமை குறித்து விரைவில் இங்கே எழுதப்படும். இத்த்னைக்கும் சொந்தக்காரன் யாரெனில் தலையாலங்கானம் என்னும் இடத்தில் தன்னை எதிர்க்க வந்த இரு பெரும் வேந்தர் மற்றும் ஐங்குறுவேளிரின் தலைகளை அலங்கோலமாக்கிய தலையாலங்கானத்துச் செருவென்ற நெடுஞ்செழயனே அவன்.

மேருவை சேர்ந்த காகமும் பொன்னாம்

"சடைச்சங்கத்தில் குமரியாறு மற்றும் பஃறுளியாறு உற்பத்தியான மேருமலை இருந்ததற்கான சாத்தியக்கூறுகள் சீன பழங்கதைகளில் (CHRONICLES) கூட தென்படுகின்றன.^[12] பாண்டிய மன்னனொருவன் தங்க சுரங்கங்களை தோண்ட சீன அடிமைகளை பயன்படுத்தினான். அவர்களை பொன் தோண்டி எறும்புகள் என இலக்கியம் கூறுகிறது.^[13] மேருவைச் சேர்ந்த காகமும் பொன்னாம் என்ற பழமொழியுமுண்டு.

இந்த வாசகத்தை நான் Ancient India  என்ற நூலிலிருந்து எடுத்தேன். இதில் குறிப்பிடப்படும் சீன பழங்கதை எது என்று தெரியவில்லை.

Google Maps satellite image on 2013 showing the mountain ridge named Ninety East Ridge or 90E Ridge or 90°E Ridge(http://en.wikipedia.org/wiki/Ninety_East_Ridge) which is approximately 5,000 kilometers (3,100 mi) in length and resembles the supposed mountain called as 'Meru Mountain'(Tamil:மேரு மலை) of Hypothetical lost continent Kumari(Tamil:குமரிக்கண்டம்))

ஆனால் இங்கு பழமொழி என்று நான் குறிப்பிடும் "மேருவைச் சேர்ந்த காகமும் பொன்னாம்" என்பதை ஆய்ந்ததில் சில விடயங்களை புரிந்தது.

http://en.wikipedia.org/wiki/Ninety_East_Ridge

மேற்கொடுத்துள்ள மலையை தான் மேருவாக இருக்கலாம் என்று தமிழ் ஆர்வலர்கள் கருதுவர்.

1. "மேரு" என்பது உயர்ந்த சிகரங்களை கொண்ட மலைத்தொடருக்கோ/மலைக்கோ கொடுக்கும் பெயராகும்.

2. "காகமும்" என்ற வார்த்தையை ஆய்ந்தோம் எனில் இந்த மேரு மலைப்பகுதியில் காகம் இருந்தது எனக் கொள்ள முடியும்.

3. "பொன்னாம்" என்ற வார்த்தையை ஆய்ந்தோம் எனில் இங்கு நிச்சயம் தங்கச்சுரங்கள் இருந்திருக்கும். இதை குறிப்பிடும் சீனப்பழங்கதை எது என்று தெரியவில்லை.

தற்போது கடலியல் ஆய்வு செய்யும் அறிஞர்களின் ஆய்வை சற்று எளிமைப்படுத்த வேண்டுமெனில் இன்று மூழ்கிக் கிடக்கும் 90 கோண மலையின் உச்சிப் பகுதியில் (அதாவது நிலத்திலிருந்து பார்க்கும் போது ஆழம் குறைந்த பகுதி) காகங்கள் வாழும் பகுதியாகவும் (2) பொன் சுரங்கள் இருப்பதற்கு அதிக இடமளிக்கும் சிகரமாகவும் (3) இருக்கும் இடங்களை தேர்ந்தெடுத்து ஆய்ந்தால் ஏதாவது தடயங்கள் கிடைக்க வாய்ப்புண்டு. இந்த சிகரங்களில் சில தீவுகளாக இருக்க வாய்ப்புண்டு.

காகங்கள் ஏதும் கிடைத்தால் அவற்றை மரபணு ஆய்வு மேற்கொண்டு அவை எத்தனை ஆண்டுகளாக அங்கு இருக்கின்றன என்று கண்டறிய வேண்டும்.

பழமொழிகள் கண்டுபிடிப்புகளை எளிதாக்கும் என்றே நாம் நம்புவோம்.